Rôh hôp hiăng tơpui, ăm rơkong tối ‘na kơxop hlá mơ-éa Túa pơkâ pêi cheăng dêi Đảng ủi Chin phuh, Túa pơkâ Pêi cheăng dêi Vi ƀan Séa ngăn, tơdroăng ki lăm ngăn, séa ngăn hơnăm 2026 dêi tâi tâng hneăng, rơtế tối tơbleăng mơgêi 6 khế apoăng hơnăm ƀă hnoăng cheăng pơkâ pêi pro 6 khế mơ’nui hơnăm.

Tơpui mơgêi rôh hôp, Ngế pro xiâm hnê ngăn tơnêi têa tối nhên Túa pơkâ pêi cheăng athế mơhno nhên hiâm mơno pơhlêh nếo, klâ xoăng râ, xoăng hnoăng tro ƀă hnoăng cheăng pôu râng, hnoăng pơkuâ dêi rêm khu pú hên, ngế krê; mơdêk rơdêi pơhlêh túa chêh pro mơ-éa, poê kơdroh mâu hlá mơ-éa ƀă pơhlêh xúa kong ngê̆ kơxô̆ vâ mơdêk tơƀrê tung tơdroăng cheăng, tí tăng tơbleăng pêi pro mâu tơdroăng, túa pơkâ pêi cheăng; pêi pro nhên mâu khu tơdroăng cheăng tro ƀă tơdroăng pêi ƀă ki rơkê tung pêi cheăng, hlối thăm mơnhông lăm ngăn, séa ngăn, rak tơniăn tro mâu pơkâ, tơdroăng pêi pro châ tơbleăng pêi châ tơƀrê.