A drêng tơdah, Ngế pro xiâm hnê ngăn tơnêi têa tối sôk ro mâu tơdroăng mơnhông mơdêk hôm păng ‘nâng tung tơrŭm cheăng Việt Nam – Angola tung pơla kố nah, tơdrêng amê pơkâ thế péa tơnêi têa pơtối thăm tơpui tơno khu râ kăn xiâm, po rơdâ tơrŭm cheăng pơla mâu khu xiâm, kơvâ cheăng, kong pơlê; tối túa ki rơkê tơtro mơnhông mơdêk, tơrŭm krá tơniăn ƀă tŏng gum dêi pó a mâu hôp tơpui tơno hên pâ.

Ngế pro xiâm hnê ngăn tơnêi têa pơkâ thế Chin phuh Angola pơtối pro tơ’lêi vâ mâu khu tê mơdró Việt Nam, ki rơhêng vâ tối cho Grup pơkuâ Angola pơtối pro tơ’lêi hlâu vâ mâu khu tê mơdró Việt Nam, ki rơhêng vâ tối cho Grup pơkuâ Kơmăi kơmok – On tơhrik Tơnêi têa Việt Nam, po rơdâ tơdroăng mơ’no liăn cheăng, tê mơdró a kong têa Angola. Péa pâ môi tuăn thăm tơpui tơno, rĕng pêi kêi đeăng ƀă kĭ mâu mơ-éa tơrŭm cheăng ki kal tung kơvâ tê mơdró, mơ’no liăn cheăng.