VOV4.Xơ Đăng - Pôa Lê Minh Khái, Ngế pro xiâm phŏ hnê ngăn tơnêi têa (Tôh trương tôh pêi cheăng kơxô̆ 2 dêi Ngế pro xiâm hnê ngăn Chin phuh ‘na thăm mơnhông tơdroăng mơ’no liăn cheăng tơnêi têa) rế pơkuâ roh hôp vâ mơhnhôk, tah lôi pá puât, thăm mơ’no liăn cheăng tơnêi têa hơnăm 2022 ƀă 8 khu xiâm, kơ koan xiâm Tơnêi têa 4 kong pơlê. Tiô Pơkâ pêi ƀă mơ’no liăn cheăng,mơgêi pơkâ mơ’no liăn cheăng tơnêi têa hơnăm 2022 Ngế pro xiâm hnê ngăn Chin phuh pơcháu ăm 8 khu xiâm, kơ koan ƀă 4 kong pơlê (ối tung Tôh pêi cheăng kơxô̆ 2) cho lối 24.700 rơtal liăn.

Troh tâi khế 7, tiô tối hdrối tâi tâng mơ’no liăn dêi 12 tíu cheăng cho 7.400 rơtal liăn, châ dâng 30%. Tiô pôa Lê Minh Khái, mơ’no liăn cheăng hrá ai hên xiâm kối, laga xing xoăng liăn hrá xua ing tơná pin. Pơkâ thế mâu Khu xiâm, kơvâ cheăng, kong pơlê thăm pêi pro rĕng tơdroăng xing xoăng kơxô̆ liăn mơ’no pêi cheăng. Ngế pro xiâm phŏ hnê ngăn tơnêi têa pơkâ thế khu râ kăn pơkuâ mâu khu xiâm, kơ koan, mâu kong pơlê tơmâng păng ‘nâng hnê mơhno, tah lôi tơdroăng pá, thăm pêi pro hên ƀă thế pêi khât.

A Sa Ly tơplôu ƀă tơbleăng