VOV4.Xơ Đăng - Pôa Lê Văn Thành, Ngế pro xiâm hnê ngăn tơnêi têa ƀă Khu râ kăn pêi cheăng hiăng lăm séa ngăn, pêi cheăng ‘na tơdroăng pêi pro Tơdroăng pơkâ pêi tơraih tơƀai lâp plâi tơnêi Nội Bài rơxông 2021 – 2030, tơmiât pêi troh hơnăm 2050. Mâu rơkong tơpui tối a roh pêi cheăng hiăng môi tuăn ƀă mâu tơdroăng xiâm pơkâ pêi, tung mê, tơdroăng po rơdâ tơraih tơƀai lâp plâi tơnêi Nội Bài ai ivá pơto 100 rơtuh ngế tơmối/hơnăm cho kal khât.

Pôa Lê Văn Thành, Ngế pro xiâm phŏ hnê ngăn séa ngăn pơkâ pêi tơraih tơƀai lâp plâi tơnêi Nội Bài

Mơgêi roh pêi cheăng, pôa Lê Văn Thành tối ƀă kơlo rak tơniăn, tơtêk rĕng dêi kơvâ tơƀai, tơdroăng tơraih tơƀai lâp plâi tơnêi Nội Bài pơto châ 50 rơtuh tơmối/hơnăm a hơnăm 2030 kô chiâng pêi pro. Ngế pro xiâm phŏ hnê tơnêi têa tối rơdêi kal rĕng kêi đeăng, kĭ pơkâ; klêi kơ’nâi ai pơkâ pêi  rĕng pro troăng mơ’no liăn, rĕng tơbleăng khu râ kăn ai hnoăng.

Ngế pro xiâm phŏ hnê ngăn tơnêi têa pơkâ thế mâu khu xiâm, kơvâ cheăng, tíu cheăng thâ pêi pro mâu tơdroăng cheăng châ pơcháu vâ mơ-eăm pơxiâm mơjiâng pro troăng tơƀai vâ kơneăng ƀă hngêi ăm tơmối tơkôm to tơƀai tung hơnăm 2024 – 2025.

A Sa Ly tơplôu ƀă tơbleăng