VOV4.Xơ Đăng - A tíu pêi cheăng Chin phuh, pôa Lê Văn Thành, Ngế pro xiâm phŏ hnê ngăn tơnêi têa pơkuâ roh hôp mơ’no tơdrêng tung um tiô troăng măng internet Khu hnê mơhno dêi Chin phuh po rơdâ pêi pro Tơdroăng tơkêa bro mơjiâng pro troăng kân ăm phêp rơxế kơtâu têi Peăng kơnhŏng tơnêi têa – Pá hdroh peăng mâ hâi Lo. Mơgêi a roh hôp, pôa Lê Văn Thành tối nhên: Pơkâ Hneăng hôp 13 pơkâ mơ’no pơkâ pêi troh mơ-eăm sap ing kố troh hơnăm 2025 thế kêi đeăng 2.000 km troăng ăm phêp rơxế kơtâu têi.

Pôa Lê Văn Thành, Ngế pro xiâm phŏ hnê ngăn tơnêi têa hôp khu hnê mơhno pêi pro tơdroăng tơkêa bro troăng kân ăm phêp rơxế kơtâu têi Peăng kơnhŏng tơnêi têa – Pá hdroh peăng mâ hâi Lo

Vâ pêi pro pơkâ kố, Kuô̆k hô̆i hiăng tơbleăng pơkâ ƀă hên troăng pơkâ pêi ki phá tơ-ê, pro tơ’lêi hlâu má môi vâ mơjiâng pro troăng kân ăm phêp rơxế kơtâu têi. Ngế pro xiâm phŏ hnê ngăn tơnêi têa mơnhên troh hơnăm 2025 kêi đeăng pơkâ mơjiâng tơ’nôm 2.000km troăng kân ăm phêp rơxế kơtâu têi tiô pơkâ. Ngế pro xiâm phŏ hnê ngăn tơnêi têa pơkâ thế Khu xiâm pơkuâ troăng prôk ƀă rơxế kơtâu thâ pêi pro mâu mơ-éa vâ rah xo khu ki mơjiâng pro, pơxiâm pro tâi tâng 729km hdrối hâi lơ 31/12; thâ pêi pro pơkâ pơcháu ăm mâu kong pơlê cho khu mơ’no liăn cheăng tăng tơnêi, xing xoăng teăm tơdrêng kơxô̆ liăn vâ tơniăn troh lơ 31/12 tăng 70% tơnêi vâ pro troăng kân.

A Sa Ly tơplôu ƀă tơbleăng