VOV4.Xơ Đăng - Pôa Lê Văn Thành, Ngế pro xiâm phŏ hnê ngăn tơnêi têa nếo pơkuâ rôh hôp ƀă 15 to kong pơlê, pơlê kong kơdrâm ki vâ mơdêk, po rơdâ, mơjiâng pro nếo tơriah tơƀai. Tối mơgêi rôh hôp, pôa Lê Văn Thành tối ‘no liăn mơjiâng pro Tơraih tơƀai kô ôh tá pro xiâm ki nếo mơdêk cheăng kâ rêh ối dêi kong pơlê ƀă tơnêi têa. Ing mê, Ngế pro xiâm phŏ hnê ngăn tơnêi têa tối, tung pơla hdrối kô nah, Chin phuh hiăng xoăng râ, xoăng hnoăng ăm mâu kong pơlê vâ hbrâ rơnáu tâ tung tơdroăng ‘no liăn mơjiâng pro tơraih tơƀai ƀă rôh apoăng hiăng  hlo tơ-ƀrê.

Pôa Lê Văn Thành, Ngế pro xiâm phŏ hnê ngăn tơnêi têa pơkuâ hneăng hôp

La mâu tơdroăng pro hlá mơ-éa vâ ‘no liăn cheăng ối tơvâ tơvân, ối pro hên  túa hlá mơ-éa. Mâu khu xiâm, kơvâ cheăng, kong pơlê hâi hbrâ rơnáu hâi ‘nâi hriăn xêh. Ngế pro xiâm phŏ hnê ngăn tơnêi têa pơcháu ăm Khu xiâm ngăn troăng prôk rơxế kơtâu tơrŭm ƀă 15 to kong pơlê, pơlê kong kân ki kal vâ ‘mâi rơnêu, po rơdâ, ‘no liăn mơjiâng pro tơraih tơƀai séa ngăn, ‘mâi rơnêu pơkâ, rak tơniăn krá khât tro tiô pơkâ dêi Luât.

Gương tơplôu ƀă tơbleăng