Pơkâ kố tối nhên, mâu ngế ki kố hiăng ai hnoăng kơhnâ rơkê kơdrâ tung pêi pro hnoăng cheăng hriâm tâp tơplâ, veăng gum ăm tơdroăng mơjiâng chuh ngiah xah hô̆i ƀă rak vế tơnêi têa. Hdrối mê hâi lơ 5/12, pôa Nguyễn Hòa Bình, Ngế pro xiâm phŏ hnê ngăn tơnêi têa teăng mâ Chin phuh kĭ Pơkâ ‘na tơdroăng ki diâp Ƀăng “Tơnêi têa tơmâng xo hnoăng” ăm 12 ngế lêng hlâ tung pêi hnoăng cheăng hriâm tâp tơplâ dêi Kuân khu 7.

Klêi kơ’nâi ai tơdroăng, Khu pơkuâ ngăn Kuân khu 7 hiăng teăm hnê mơhno tơdrêng mâu kơ koan ki ai tơdjâk ƀă tíu pêi cheăng tơrŭm krá tơniăn ƀă khu râ Đảng, khu pơkuâ kong pơlê rĕng tơkŭm séa ngăn, tí tăng, tơkŭm mâu ngế ki hlâ; tơdrêng amê hlối pêi tro cheăng hiâm mơno tơmiât, hnê mơhnhôk, troăng tŏng gum; ƀeăn tơmâng ngăn, mơhnhôk, veăng sĭng khéa tơdroăng ki châi heăng ƀă mâu rơpŏng ki ai ngế hlâ.