A rôh tơpui tơno, Péa ngế kăn hnê ngăn tơnêi têa hiăng môi tuăn pơtối tơmâng ngăn, hnê mơhno mâu kơ koan ki ai tơdjâk troh dêi péa pâ tơkŭm tơbleăng tơƀrê mâu Rôh trâm péa Khu xiâm pơkuâ tơdroăng kal kí ƀă mâu tơdroăng tơkêa khu râ kăn xiâm hiăng tơpui châ rơhéa a chê kố; mơeăm hbrâ rơnáu tro ăm Hneăng hôp 47 Vi ƀan Khu tơrŭm Chin phuh péa tơnêi têa hiăng vâ troh la ngiâ; mơdêk rĕng tơdroăng tŏng gum mâu xơpá tơvâ tơvân dêi mâu tơdroăng tơkêa ki kal vâ ăm tơrŭm cheăng kâ péa tơnêi têa mơnhông krá tơniăn, tơƀrê tâ nếo.

Péa ngế kăn hnê ngăn môi tuăn pơtối mơdêk rĕng tơdroăng ki hnê tối, hnê hriâm ‘na tơdroăng ton nah khôi hmâ tơrŭm cheăng Việt Nam – Lếo, thăm mơdêk tối tơbleăng tơdroăng kal teăm tơdrêng ƀă tơrŭm krá tơniăn, tŏng gum dêi rơpó a mâu rôh hôp tung kơpong ƀă tung lâp plâi tơnêi.