A hneăng hôp pêi pro mâu pơkâ ‘na tơdroăng rah xo kăn ƀô̆, Vi ƀan kong pơlê Gia Lai hiăng tơbleăng mâu pơkâ: rah xo pôa Vũ Tiến Anh pro Kăn pơkuâ Ƀơrô Vi ƀan kong pơlê; rah xo pôa Đỗ Việt Hưng pro Kăn pơkuâ Khu pơkâ túa cheăng ƀă Mơ’no liăn cheăng; ƀă rah xo pôa Nguyễn Quảng Hà to pro Kăn phŏ pơkuâ Khu pơkâ túa cheăng ƀă Mơ’no liăn cheăng kong pơlê Gia Lai.

Pôa Đỗ Việt Hưng, Kăn phŏ pơkuâ hnê ngăn cheăng Đảng pơlê kong kơdrâm, Kăn hnê ngăn Vi ƀan pơlê kong kơdrâm Pleiku, châ ăm pơtê cheăng tung Khu pơkuâ Đảng ƀô̆ ƀă Khu pơkuâ hnê mơhno tơdroăng cheăng Đảng pơlê kong kơdrâm, lôi pơtê pro Kăn phŏ pơkuâ hnê ngăn cheăng Đảng pơlê kong kơdrâm ƀă troh pêi cheăng a Khu pơkâ tuá cheăng ƀă Mơ’no liăn cheăng Gia Lai.

Pôa Đoàn Hữu Dũng, Kăn pơkuâ troăng prôk ƀă rơxế kơtâu, châ rah xo veăng tung Khu pơkuâ Đảng ƀô̆ pơlê kong kơdrâm Pleiku, to pro Kăn phŏ pơkuâ hnê ngăn cheăng Đảng pơlê kong kơdrâm hneăng hơnăm 2020 – 2025, tơdrêng amê tơbleăng vâ Hô̆i đong pơlê kong kơdrâm Pleiku to pro Kăn hnê ngăn Vi ƀan pơlê kong kơdrâm Pleiku hneăng hơnăm 2021 – 2026.