Tối a rôh trâm mâ, kăn teăng mâ mâu grup, kŏng ti ki má môi dêi Chile xuân khĕn kơdeăn tơmeăm khoăng mơnhông tê mơdró dêi Việt Nam; púi vâ khu mơdró péa tơnêi têa xúa ki tro má môi mâu tơdroăng kĭ tơhrâ tê mơdró rak tơniăn pơla péa tơnêi têa cho kong têa tung khu. Tơbleăng a rôh trâm mâ, pôa Lương Cường - Kăn xiăm hnê ngăn tơnêi têa tối nhên, tung pơla hdrối kố nah, mơhé tơdroăng cheăng kâ lâp plâi tơnêi ai hên ki pơ’lêh, ôh tá tơniăn, tung pơla mê, tơrŭm cheăng kâ, ƀă ‘na  tơrŭm pơla Việt Nam - Chile xuân dế mơnhông tơƀrê lĕm.

Kăn xiâm hnê ngăn tơnêi têa tối, Việt Nam đi đo tơmâng khât, rơtế ƀă mâu khu mơdró tung lâp tơnêi têa ƀă kong têa ê, nhoăm, kring vế hnoăng ki pơxua tơxâng, tro luât dêi khu ‘no liăn cheăng, xuân môi tiah  tơniăn tơtro ki pơxúa pơla Tơnêi têa, khu ‘no liăn cheăng ƀă kuăn pơlê; tơhrâ pro tơdroăng tê mơdró ƀă ‘no liăn cheăng  tơ’lêi hlâu ăm mâu khu mơdró tung kong têa ê tối tơdjuôm ƀă Chile tối krê.