Xông tơpui a hâi xah hêi ro, pôa Nguyễn Hòa Bình, Ngế pro xiâm phŏ hnê mơhno má môi Tơnêi têa tối phiu ro drêng hlo mâu tơdroăng châ tơƀrê ki pơlê Ia Nueng hiăng châ tơƀrê tung hơnăm hiăng hluâ. Ngế pro xiâm phŏ hnê ngăn tơnêi têa kheăn kơdeăn kuăn pơlê hiăng tơrŭm môi tuăn, thăm xúa khoa hok kih thuât tung pêt mơjiâng tơmeăm, mơdêk tơdroăng rêh ối, kum kal khât tung mơjiâng thôn pơlê nếo a pơlê.

Pôa Nguyễn Hòa Bình pơkâ thế khu pơkuâ kal kí ƀă kuăn pơlê Ia Nueng, cheăm Biển Hồ, pơlê kong kơdrâm Pleiku pơtối mơnhông tiô khôi vâi krâ nah, tơrŭm môi tuăn pêi pro châ tơƀrê mâu Pơkâ dêi Đảng ƀă mâu hnoăng cheăng kâ – rêh ối pơlê pơla hneăng hơnăm 2020 – 2025, tơkŭm po tơdroăng tơ’noăng koh phiu ro Hneăng hôp Mât trâ̆n Tơnêi têa Việt Nam roh má X ƀă tŏng kum mơngế ai tơdroăng rêh ối pá puât.

Tơdrêng amê, thăm rak vế khôi túa lĕm hdroâng kuăn ngo; pêi pro lĕm kuăn pơlê pơkuâ dêi hnoăng cheăng, thăm pro krá tơniăn tơdroăng loi tơngah ƀă tơdroăng môi tuăn, tơmiât troh mâu roh tâ phĭu hneăng hơnăm 2025 – 2027 ƀă Hneăng hôp Đảng mâu râ, kum mơjiâng pơlê Ia Nueng rế hía rế kro mơdrŏng.