Kăn pơkuâ Ƀơrô Kăn xiâm hnê ngăn tơnêi têa tối ăm ‘nâi, tung khế 3, ing hnê mơhno kơtăng dêi Kăn xiâm hnê ngăn tơnêi têa ƀă Phŏ Kăn xiâm hnê ngăn tơnêi têa, Ƀơrô hiăng hbrâ, kơtăng pêi pro tâi tâng mâu hnoăng cheăng, gum châ tơƀrê tơdroăng pêi cheăng dêi khu râ kăn pơkuâ Tơnêi têa tung mâu kơvâ.

Xông tơpui mơgêi roh hôp, pôa Lương Cường, Kăn xiâm hnê ngăn tơnêi têa mơnhên mâu tơdroăng châ tơƀrê ki Ƀơrô Kăn xiâm hnê ngăn tơnêi têa châ tơƀrê tung pơla kố nah, tối rơdêi Ƀơrô hiăng mơnhông hiâm mơno pôu râng hnoăng cheăng, hbrâ, ƀeăn ƀĕng, gum kal khât tung tơdroăng pêi pro hnoăng cheăng tơdjuôm dêi kăn pơkuâ Tơnêi têa.

Tối ‘na hnoăng cheăng tung la ngiâ, Kăn xiâm hnê ngăn tơnêi têa pơkâ Ƀơrô pơtối mơdêk ki dâi lĕm hriăn plĕng, tơbleăng, tơkŭm tâi tâng; hbrâ lĕm tro tơdroăng xiâm, mơ-éa chêh vâ tơbleăng mâu roh hôp dêi kăn pơkuâ ki xiâm, Khu xiâm kal kí, Khu pơkuâ hnê ngăn cheăng Đảng ƀă mâu tơdroăng pêi cheăng tiô tơdroăng pêi cheăng.