Mot tung hơnăm 2026, hơnăm apoăng tơbleăng pêi Pơkâ Hneăng hôp XIV ƀă Tơdroăng pêi pro Pơkâ Hneăng hôp XIV dêi Đảng ƀă Pơkâ dêi Hneăng hôp Đảng ƀô̆ kong pơlê Lào Cai, pôa Lương Cường, Kăn xiâm hnê ngăn tơnêi têa tối nhên, kố cho hơnăm ki pơxúa kal khât, po troăng ăm hneăng mơnhông nếo ƀă tơdroăng pơkâ pêi ƀlêi chiâng péa tơdroăng 100 hơnăm: Troh hơnăm 2030 ăm tơnêi têa pin chiâng tơnêi têa mơnhông ai kơmăi kơmok pêi cheăng rơkê plĕng, pêi lo liăn hên; troh hơnăm 2045 chiâng tơnêi têa mơnhông, pêi lo liăn hên.

Pôa Lương Cường, Kăn xiâm hnê ngăn tơnêi têa pơkâ thế Đảng ƀô̆, kăn pơkuâ ƀă kuăn pơlê kong pơlê Lào Cai pơtối mơnhông tiô khôi hmâ tơrŭm, tí tăng xúa tro ki ai hlâu, ki pơxúa, tơkŭm pêi pro kơtăng mâu tơdroăng cheăng châ pơcháu mơnhông cheăng kâ rêh ối; mơdêk rơdêi pơhlêh pro hlá mơ-éa, mơdêk pêi tơƀrê mâu tơdroăng dêi kơ koan cheăng tơnêi têa kăn pơkuâ péa râ tŏng gum tơdroăng rêh ối kuăn pơlê, rak vế pơlê pơla cheăm bêng, gâk kring, hnoăng pơkuâ tơkăng kong tơnêi têa.