Tơdah Kăn teăng mâ Kul, jâ Touch Pharat, pôa Lương Cường Kăn xiâm hnê ngăn tơnêi têa rơkâu kăn teăng mâ mâu kăn teăng mâ xo pêi hnoăng cheăng a Việt Nam, loi khât ƀă tơdroăng pêi cheăng tơpui kâ. Kăn teăng mâ kô ai hên hnoăng veăng ‘no kơhnâ khât, veăng mơdêk tơrŭm cheăng ƀă kong têa a chê tơniăn lĕm ro, tơrŭm tiô hmâ, tơrŭm âi tơdroăng cheăng, krá ton hơnăm pơla péa tơnêi têa.

Kăn xiâm hnê ngăn tơnêi têa tối ki pơxúa kal kí khât, vâ mơhno luât ki Việt Nam đi đo pêi ahdrối tơdroăng mơnhông tơrŭm tiah hmâ pơla Việt Nam - Kul xuân môi tiah pơla pái tơnêi têa Việt Nam - Kul - Lếo đi đo tơrŭm dêi rơpó tơkâ luâ xơpá.

Rơkâu pôa Thammer Mohammed Al Gosaibi châ rah xo pro kăn teăng mâ kong têa Saudi Arabia a Việt Nam; Kăn xiâm hnê ngăn tơnêi têa tối, Việt Nam khĕn kơdeăn hnoăng pêi pro ƀă ki rơdêi dế Saudi Arabia a kơpong, malối tung plâi tơnêi Arab ƀă Islam; rơkâu mâu hnăng mơnhông dêi Saudi Arabia tung pêi pro mâu pơkâ a mâ ngăn mâu tơdroăng cheăng pêi hơnăm 2030 hlối khât, Chin phuh ƀă kuăn pơlê Saudi Arabia kố pơtối châ ƀlêi tâ nếo tung hnoăng pêi cheăng mơnhông tơnêi têa.