Pôa Lương Cường, Kăn xiâm hnê ngăn tơnêi têa veăng leh a tíu mơ’no hyôh um tơdrêng a Pơlê Kong kân Hồ Chí Minh; Pôa Phạm Minh Chính, Ngế pro xiâm hnê ngăn tơnêi têa veăng leh a tíu mơ’no hyôh um tơdrêng a Hà Nội; pôa Trần Thanh Mẫn, Kăn xiâm hnê ngăn Kuô̆k hô̆i leh a tíu mơ’no hyôh um  tơdrêng Quảng Trị.

Tơdroăng mơđah mê ai 3 chương: Púi vâ hơniâp lĕm”, “ Tuăn mơ-eăm vâ lâp tơnêi têa tơrŭm môi” ƀă “Hâk tơngăm xông rơdêi! Ôi Việt Nam”. Tíu ki vâ tối dêi hâi leh kân pơcháu tơmeăm ki kơnía dêi mâu ngế hiăng hlâ ai hnoăng tơplâ dêi Việt Nam xua pôa Adolph Novello ngế lêng Mih hneăng hdrối ối ‘măn rak tung plâ 50 hơnăm.

Tơdroăng mê pro rơrêk tung hiâm mơno tơbâ tơdroăng ‘nâi mơnê khât kơ rơxông pâ pôa, ngoh nâ hiăng tơplâ ta troh hlâ xua vâ rak tơniăn lĕm tơnêi têa. Tơdroăng “Chuât xơtó ta troh ah ƀai hơdruê vêh plâ ƀlêi trâng” tơbâ tơdroăng rơrêk tung hiâm mơno ƀă tơdroăng pâ mơnê khât kơ mâu ki hiăng hlâ xua tơplâ dêi rơxông hdrối, mâu ngê kuăn hăng hlâ vâ pơ’lêh xo tơdroăng tơniăn, hơniâp ăm hdroâng mơngế.