Tiô tơdroăng tơkŭm tâi tâng, tung kong pơlê Lâm Đồng ai 134 tơdroăng tơkêa bro ai pá puât, kreăng tơvâ ƀă tâi tâng ki kân lối 13.489 ha tơnêi, tâi tâng kơlo liăn mơ’no cho lối 116 rơpâu rơtal liăn. Troh nôkố, ki xiâm, kong pơlê Lâm Đồng hiăng pêi pro kơtăng mâu pơkâ, mơ-éa ki kal dêi Ngế pro xiâm hnê ngăn Chin phuh.

Mơgêi roh hôp, pôa Nguyễn Hòa Bình, Phŏ Ngế pro xiâm hnê mơhno má môi Chin phuh mơnhên tơdroăng ki veăng kơtăng dêi kong pơlê tung tah lôi ăm tơdroăng tơkêa bro ai pá puât, tơvâ tơvân; tối nhên Lâm Đồng kal pơtối tơrŭm krá tơniăn ƀă mâu khu xiâm, kơvâ cheăng tung rah klâ, tơ’nôm, séa ngăn, tah lôi ăm mâu tơdroăng tơkêa bro ai pá puât, tơvâ tơvân, lôi ton.

Pôa Nguyễn Hòa Bình, Phŏ Ngế pro xiâm hnê ngăn tơnêi têa hiăng tơpui tối, hnê mơhno inhên ‘na tơdroăng tơleăng mâu tơdroăng ki pro xôi; troăng hơlâ, troăng prôk la ngiâ, hnoăng cheăng, tơdroăng pêi cheăng klâ xoăng, troăng pêi tung tah lôi ăm mâu tơdroăng tơkêa bro, khu tơdroăng tơkêa bro châ mơnhên ai pá puât, tơvâ tơvân, ối kreăng ton xŏn dêi kong pơlê Lâm Đồng dế kal tơkŭm tơleăng, tah lôi tơdroăng pá puât.