Kơxo lơ 6/11, Khu pơkuâ hnê ngăn Đảng kong pơlê Gia Lai tơkŭm po Rôh hôp Tơbleăng tơdroăng pơkâ dêi Khu pơkuâ ngăn xiâm Đảng ‘na hnoăng cheăng kăn ƀô̆. Pôa Nguyễn Ngọc Lương, Kăn pơkuâ ngăn Tíu xiâm Đoân Droh rơtăm Kŏng san Hồ Chí Minh, châ pôk pro kăn pơkuâ hnê ngăn Đảng kong pơlê Gia Lai pơla hơnăm 2020 – 2025.

Pôa Nguyễn Ngọc Lương, 48 hơnăm, pơlê xiâm a cheăm Thiệu Vận, tơring Thiệu Hóa, kong pơlê Thanh Hóa; hriâm Tiê̆n sih Luât hok, Kao kâ̆p lĭ luâ̆n chính trĭ. Hdrối vâ châ pơtroh, pôk pro kăn pơkuâ ngăn Đảng Gia Lai, pôa Nguyễn Ngọc Lương pro kăn phŏ pơkuâ ngăn tíu xiâm Đoân, Kăn hnê ngăn Tíu xiâm Droh rơtăm Việt Nam.

Nôkố, Khu pơkuâ hnê ngăn Đảng kong pơlê Gia Lai ai pôa Hồ Văn Niên, kăn phŏ pơkuâ ngăn Đảng, pôa Châu Ngọc Tuấn, kăn pơkuâ hnê ngăn má môi. 2 ngế kăn phŏ pơkuâ hnê ngăn Đảng cho pôa Ra Lan Chung ƀă pôa Nguyễn Ngọc Lương.