VOV4. Xơ Đăng -  Hâi lơ 16/8, a tíu pêi cheăng Khu xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng pơkuâ Khu pơkuâ hnê ngăn cheăng Đảng séa ngăn, pêi pro pơxâu ƀă hôu khĕn Khu pơkuâ cheăng Đảng Vi ƀan kong pơlê Gia Lai mâu hneăng 2016 – 2021, 2021 – 2026 ƀă pôa Võ Ngọc Thành, Kăn phŏ pơkuâ hnê ngăn cheăng Đảng kong pơlê, Kăn pơkuâ hnê ngăn Khu pơkuâ cheăng Đảng, Kăn hnê ngăn Vi ƀan kong pơlê Gia Lai.

Ngăn tiô tơdroăng xiâm, tơdroăng ki tơdjâk, xiâm kối pro xôi ƀă Pơkâ dêi Đảng ‘na pơxâu kheăn hôu khu pơkuâ cheăng Đảng, đảng viên pro xôi, Khu pơkuâ hnê ngăn cheăng Đảng pơkâ pêi pro pơxâu kheăn hôu Khu pơkuâ Đảng Vi ƀan kong pơlê Gia Lai hneăng hơnăm 2016 – 2021; kheăn hôu Khu pơkuâ cheăng Đảng Vi ƀan kong pơlê Gia Lai hneăng hơnăm 2021 – 2026; ăm pơtê pêi cheăng ƀă Kăn phŏ pơkuâ hnê ngăn cheăng Đảng kong pơlê Gia Lai hneăng hơnăm 2015 – 2020, 2020 – 2025 ƀă Kăn pơkuâ hnê ngăn cheăng Đảng Vi ƀan kong pơlê Gia Lai mâu hneăng hơnăm 2016 – 2021, 2021 – 2026 ƀă pôa Võ Ngọc Thành. Pơkâ thế mâu kơ koan cheăng pơxâu phâk ‘na liăn ngân tiô tro pơkâ ƀă khu pú hên, ngế krê hiăng tro pơxâu hnê  hôu tơdroăng cheăng Đảng.

A Sa Ly tơplôu ƀă tơbleăng