VOV4.Xơ Đăng - Hâi lơ 22/7, a Tíu pêi cheăng xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng pơkuâ roh hôp Khu xiâm kal kí, Khu xiâm pơkuâ hnê ngăn cheăng Đảng séa ngăn, pêi pro hôu hnê: Khu pơkuâ hnê ngăn cheăng Đảng kong pơlê Phú Yên hneăng hơnăm 2015 – 2020; Đảng đoân Hô̆i đong kong pơlê Phú Yên hneăng hơnăm 2016 – 2021; Khu pơkuâ Đảng Vi ƀan kong pơlê Phú Yên mâu hneăng hơnăm 2016 – 2021, 2021 – 2026; pôa Huỳnh Tấn Việt, Kăn cheăng tung Tíu xiâm Đảng, Kăn pơkuâ hnê ngăn cheăng Đảng khô̆i mâu kơ koan Tơnêi têa, Kăn pơkuâ hnê ngăn cheăng Đảng kong pơlê, Kăn pơkuâ hnê ngăn cheăng Đảng Đoân, Kăn hnê ngăn Hô̆i đong kong pơlê Phú Yên; pôa Nguyễn Chí Hiến, kăn cheăng tung Khu pơkuâ tơdroăng cheăng Đảng kong pơlê, Kăn phŏ pơkuâ hnê ngăn kăn ƀô̆ Đảng, Kăn phŏ hnê mơhno má môi Vi ƀan kong pơlê Phú Yên.

Mâu tơdroăng pro xôi, tơdroăng ki ôh tá tro dêi khu râ kăn pơkuâ hnê ngăn cheăng Đảng, khu râ kăn pơkuâ, mâu ngế krê nếo tối mê pro tơdjâk râ ó troh pơlê pơla, tô tuăn tung pơlê pơla. Tiô tơdroăng xiâm, tơdroăng xôi, tơdroăng ki tơdjâk, xiâm kối pro xôi ƀă pơkâ dêi Đảng ‘na hôu hnê khu cheăng đảng, đảng viên pro xôi, Khu xiâm kal kí pơkâ hôu hnê râ kăn pơkuâ hnê ngăn cheăng Đảng, khu râ kăn pơkuâ, mâu ngế krê nếo tối mê ƀă mơ’no lo ing Đảng pôa Nguyễn Chí Hiến.

A Sa Ly tơplôu ƀă tơbleăng