VOV4.Xơ Đăng - Leh tơbâ 77 hơnăm Hâi peăng Hdroh lăm pơplâ xâ lơ (23/9/1945 - 23/9/2022), hdró môi tơdroăng ton nah khên tơnôu dêi hdroâng kuăn ngo, kơxo lơ 23/9, a Pơlê kong kân Hồ Chí Minh, pôa Nguyễn Phú Trọng, Kăn xiâm pơkuâ hnê ngăn Đảng pơkuâ hâi pêi cheăng ƀă Khu kăn Đảng ƀô̆ ƀă mâu kăn ƀô̆ xiâm Pơlê kong kân Hồ Chí Minh; pôa Nguyễn Phú Trọng, Kăn xiâm pơkuâ hnê ngăn Đảng pơkuâ hâi pêi cheăng ƀă khu kăn Đảng bô̆ ƀă mâu kăn ƀô̆ xiâm dêi pơlê kong kân ‘na tơdroăng pêi pro tiô pơkâ hneăng hôp má 13 dêi Đảng ƀă Pơkâ hneăng hôp má 11 dêi Đảng bô̆ Pơlê kong kân ing apoăng hneăng troh nôkố.

Pôa Nguyễn Phú Trọng, Kăn xiâm pơkuâ hnê ngăn Đảng ƀă mâu kăn

Pôa Nguyễn Phú Trọng khĕn kơdeăn khât mâu tơdroăng mơ-eăm ƀă hnoăng pêi tơƀrê ki Đảng bô̆, mâu kăn ƀă kuăn pơlê dêi Pơlê kong kân Hồ Chí Minh hiăng châ pêi pro tung pơla hdrối kố nah, mơhé ti mê, pôa Nguyễn Phú Trọng xuân tối nhên tơdroăng ki hâi pêi pro, ki ối tơvâ tơvân dêi pơlê kong kân, pôa Nguyễn Phú Trọng tối tiah kố: Tung la ngiâ, pơlê kong kân kal mơdêk tâ kơ mê nếo tơdroăng cheăng kâ dêi pơlê kong kân rơtế ƀă pơ’lêh nếo túa mơdêk pơ’lêh nếo ki tâk; tơkŭm pêi ahdrối vâ pêi klêi mâu tơdroăng ki tơƀrê, tah mâu tơdroăng ki pá ‘na luât pơkâ, mơjiâng tơmeăm khoăng ƀă mơngế cheăng nôkố, pơtối rak vế tro tâ nếo, mâu tơdroăng djâ troăng ahdrối, mơnhông rơdêi dế tơná ƀă kơpong Đông Nam Bộ, tơxâng ƀă “Meăm thĕp, meăm hlái”, “Hmốu kơnía dêi Peăng mâ hâi lo”, “Tuăn loi khât ƀă hâk tơngăm dêi lâp tơnêi têa”.

Gương tơplôu ƀă tơbleăng