VOV4.Xơ Đăng - Kơxê lơ 29/9, a tíu pêi cheăng xiâm Đảng, pôa Nguyễn Phú Trọng hiăng trâm mâ pôa Manuel Marrero Cruz, Ngế cheăng tung Tíu xiâm Đảng kŏng sản Cuba, Ngế pro xiâm hnê ngăn kong têa Kŏng hoa Cuba drêng troh roh lăm pôu a Việt Nam. A rôh trâm mâ, pôa Nguyễn Phú Trọng tối, Đảng tơnêi têa ƀă kuăn pơlê Việt Nam đi đo nhoăm ƀă mơnê tơdroăng veăng kum  dêi Đảng, Tơnêi têa têa ƀă kuăn pơlê Cuba ƀă tơdroăng cheăng tơplâ bro tơleăng lĕm hdroâng mơngế ƀă mơjiâng tơnêi têa Việt Nam.

Pôa Nguyễn Phú Trọng, Kăn xiâm pơkuâ hnê ngăn Đảng tơdah Ngế pro xiâm hnê ngăn kong têa Cuba

Kăn xiâm pơkuâ hnê ngăn Đảng loi khât ing tơdroăng ai hnoăng pơkuâ dêi Đảng Kŏng sản Cuba, kuăn pơlê Cuba nhŏng o kô pêi klêi tơdroăng po ngăn túa pêi cheăng kâ rêh ối chuh ngiah ƀă môi tuăn veăng mơjiâng krá tơniăn. Pôa Nguyễn Phú Trọng pơkâ thế péa pâ mơdêk tơrŭm ƀă tối tơbleăng  tơdroăng tơrŭm cheăng tŭm pái rơkong tơpui dêi Đảng, rơkong tơpui dêi Tơnêi têa ƀă tơpui dêi kuăn pơlê, pêi rơhéa tơƀrê mâu tơdroăng tơhrâ tơrŭm cheăng, rơtế veăng kum dêi rơpó.

VOV/Tơplôu: Gương