Kơxê lơ 22/6, pôa Nguyễn Phú Trọng, Kăn xiâm pơkuâ hnê ngăn Đảng hiăng tơdah pôa Alvaro Lopez Miera, Ngế pro xiâm hnê ngăn kong têa, Ngế xiâm pơkuâ khu lêng kring vế Kăch măng Cuba. Pôa Nguyễn Phú Trọng phiu ro, mơnhên tối ki pơxúa kơnía dêi rôh lăm pôu Việt Nam dêi pôa Alvaro Lopez Miera, Ngế pro xiâm hnê ngăn kong têa tung pơla péa tơnêi têa tơmiât troh tơbâ 50 hơnăm kăn xiâm pơkuâ cho pôa Fidel Kastro pôu kơpong tơleăng lĕm a Quảng Trị; tối tơngah rôh lăm pôu kố kô veăng kum ‘mâi mơnhông ƀă pro trâu rơdâ tâ nếo tơrŭm cheăng khôi hmâ pơla péa Đảng, péa tơnêi têa ƀă khu lêng péa tơnêi têa.

Kăn xiâm pơkuâ hnê ngăn Đảng tối nhên Việt Nam kô mơ-eăm tâi ivá tơná tung tơdroăng ki ai ƀă ivá dêi Việt Nam vâ kum Cuba tiô tơdroăng tŏng kum Cuba, Việt Nam kô mơ-eăm tung tơdroăng ki ai dêi tơná vâ kum Cuba tơkâ luâ mâu tơdroăng xơpá, pơloăng mơnúa ki dế trâm”.

Kăn xiâm pơkuâ hnê ngăn Đảng mơnhên tối khât hnoăng cheăng ki kal ƀă mâu tơdroăng ki pêi pro châ tơƀrê tung tơrŭm cheăng lêng pơla péa tơnêi têa; pơkâ thế péa pâ thăm mơdêk tơrŭm pơxúa, tơƀrê, tơtro ƀă ki pơxúa dêi rêm kong têa, xua hơniâp lĕm ƀă mơnhông tung kơpong ƀă tung lâp plâi tơnêi.