VOV4.Xơ Đăng - Kơxê lơ 18/7, pôa Nguyễn Phú Trọng, Kăn xiâm pơkuâ hnê ngăn Đảng hiăng tơdah khu kăn xiâm Đảng, Tơnêi têa Lếo xua pôa Bounthoong Chitmany, Ngế cheăng tung khu xiâm kal kí, kăn hnê ngăn Đảng, kăn xiâm phŏ hnê ngăn tơnêi têa Lếo pơkuâ djâ khu kăn lăm pôu Việt Nam ƀă leh tơbâ 60 hơnăm hâi mơjiâng tơrŭm cheăng tơpui kâ, 45 hơnăm hâi kĭ tơhrâ tơrŭm cheăng ƀă tơrŭm tơrôa Việt Nam Lếo.

Tâ tá hneăng hôp

Pôa Nguyễn Phú Trọng prế pôa Bounthoong Chetmany tối phiu ro tơdroăng tơrŭm cheăng tung tâi tâng mâu tơdroăng pơla péa Đảng, péa tơnêi têa tung hơnăm hdrối mê hía nah; tối mơhé tung mâu tơdroăng ki lâi, péa pâ xuân rơtế ivá, môi tuăn kum dêi rơpó tơrŭm pơla Việt Nam ƀă Lếo, Lếo ƀă Việt Nam đi đo krá tơniăn, pro pơxúa khât ăm kuăn pơlê péa tơnêi têa. péa pâ rơtế tơrŭm krá tung tơdroăng tơbleăng pêi ai pơxúa mâu tơhrâ pơla mâu kăn xiâm péa Đảng, péa tơnêi têa; mơdêk tơpui tơno, tối ăm dêi rơpó ‘nâi mâu tơdroăng tiô troăng rơhlâ ƀă mơdêk tơbleăng pêi mơjiâng ƀă mơnhông tơnêi têa.

Gương tơplôu ƀă tơbleăng