VOV4.Xơ Đăng - Kơxo lơ 29/8, a Tíu pêi cheăng xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng hiăng ai roh trâm mâ 80 ngế kăn teăng mâ ki má môi troh veăng hneăng hôp Kăn teăng mâ lâp tơnêi têa roh má 11 Khu lo tŏng veăng Việt Nam hneăng má X, pôa Nguyễn Phú Trọng tối phiu ro châ trâm khu râ kăn teăng mâ troh veăng Hneăng hôp, tơdrêng amê, pơtroh troh tâi tâng mâu kăn teăng mâ troh veăng Hneăng hôp xuân môi tiah tâi tâng.

Tâi tâng roh trâm mâ

Mâu ngế pêi cheăng tung khu lo tŏng veăng tung lâp tơnêi têa mâu tơdroăng tuăn pâ xah ƀă dêi pó, kơ-êng dêi pó tá hiâm mơno ƀă rơkong rơkâu lĕm má môi. Pôa Nguyễn Phú Trọng mơnhên, tuăn pâ, tŏng kum mơngế pá puât cho môi tơdroăng ki lĕm, môi khôi túa kơnía dêi hdroâng kuăn ngo pin, mơhno tơdroăng tuăn pâ, tơdroăng ki nhuô̆m ƀă gak kring kuăn mơngế; cho tơdroăng ki mơhno, loăng rĕk dêi tơdroăng rơkêa ƀă tơdroăng ki rơkê pơlê pơla.

Pôa Nguyễn Phú Trọng pơkâ thế, hnoăng cheăng la ngiâ mâu râ Khu tung lâp tơnêi thế đi đo tơmâng tŏng kum tơdroăng mơjiâng khu pú hên ƀă ngế krê, mâu ngế tơrŭm dêi Khu; rêm ngế kăn ƀô̆, ngế tơrŭm mơ-eăm pêi cheăng, pêng păm hiâm mơno tuăn pâ, vâ pơtối mơnhông mơdêk hnoăng ƀă ki loi tơngah dêi Khu rế hía rế to a ‘ngêi.

A Sa Ly tơplôu ƀă tơbleăng