VOV4.Xơ Đăng - Kơxê lơ 11/10, pôa Nguyễn Phú Trọng, Kăn xiâm pơkuâ hnê ngăn Đảng, Kăn xiâm pơkuâ hnê ngăn Đảng Khu lêng tơnêi têa hiăng trâm mâ 80 ngế kăn teăng mâ teăng mâ ăm 450 kăn teăng mâ ối tung mâu đông lêng tung lâp tơnêi têa troh veăng Hneăng hôp Đoân Droh rơtăm Kŏng san Hồ Chí Minh Khu lêng roh má 10 hneăng hơnăm 2022 – 2027.

Tâi tâng roh hôp

Tơpui ƀă mâu kăn teăng mâ, pôa Nguyễn Phú Trọng kheăn kơdeăn mâu tơdroăng châ tơƀrê dêi rơxông ối nếo tâi tâng khu lêng hiăng châ tơƀrê tung mâu hơnăm hiăng hluâ, tơdrêng amê pơkâ ƀă droh rơtăm khu lêng ƀă  tơdroăng droh rơtăm khu lêng kal mơnhông mơdêk ó rơdêi, krá tơniăn tâ.

Kăn xiâm pơkuâ hnê ngăn Đảng xup um tơbâ ƀă mâu kăn teăng mâ

Tung mê, kal tơkŭm mơdêk tơdroăng cheăng hnê hriâm kal kí, troăng tơmiât; hnê hriâm troăng tơmiât cheăng kăch măng, hiâm mơno, tơdroăng rêh ối mơhno khôi túa lĕm tro ăm droh rơtăm Khu lêng hneăng hơnăm 2015 – 2030, pơtối rak ngăn khu pêi cheăng Đoân krá tơniăn; mơdêk dâi lĕm, châ tơƀrê tơrŭm pêi cheăng ƀă khu tơrŭm cheăng Đoân tung kong pơlê a mâu pơlê ki pro đông, pêi tơtro tơdroăng pơtâng tối mơhnhôk kuăn pơlê, mơjiâng khu cheăng kal kí, rak tơniăn cheăng lêng gâk kring, mơnhông mơdêk cheăng kâ, khôi túa lĕm tro rêh ối pơlê pơla kum mơjiâng tơrŭm cheăng rŭm môi tuăn môi chhá mơheăm, khu lêng kuăn pơlê ƀă thăm pro tơniăn tâi tâng kuăn pơlê veăng gâk kring.

VOV Tây Nguyên/Tơplôu: A Sa Ly