Kơxo lơ 3/1, hiăng po hneăng hôp mơ’no tơdrêng tung um dêi Chin phuh ƀă mâu kong pơlê mơgêi hnoăng cheăng hơnăm 2022 ƀă mơ’no mâu tơdroăng cheăng mơgêi dêi Tíu xiâm Đảng, Tơdroăng pơkâ dêi Kuô̆k hô̆i hneăng 15 ‘na pơkâ tơdroăng mơnhông pêi cheăng kâ - rêh ối pơlê pơla hơnăm 2023. Xông tơpui a hneăng hôp, pôa Nguyễn Phú Trọng, Kăn xiâm pơkuâ hnê ngăn Đảng tối nhên, Chin phuh ƀă mâu Khu xiâm kơvâ cheăng kong pơlê kal pơtối tơtrŏng pêi kêi đeăng pơkâ pêi, rak tơniăn tíu mơ’no liăn cheăng tê mơdró, mơhnhôk ƀă xúa châ tơƀrê rêm kơxô̆ liăn, hbrâ roh tơ’lêi vâ rak tơniăn, mơnhông mơdêk cheăng kâ – rêh ối pơlê pơla rĕng ƀă krá tơniăn tâ.

Pôa Nguyễn Phú Trọng, Kăn xiâm pơkuâ hnê ngăn Đảng hnê mơhno mơjiâng Chin phuh ƀă mâu kong pơlê mơgêi tơdroăng pêi cheăng hơnăm 2022 ƀă pêi pro Mơgêi Tơnêi têa. Pơkâ dêi Kuô̆k hô̆i hneăng má 15 ‘na pơkâ pêi mơnhông mơdêk cheăng kâ – rêh ối pơlê pơla hơnăm 2023. Xông tơpui a hneăng hôp, pôa Nguyễn Phú Trọng, Kăn xiâm pơkuâ hnê ngăn Đảng tối nhên, Chin phuh ƀă mâu Khu xiâm kơvâ cheăng kong pơlê kal pơtối tơtrŏng pêi kêi đeăng pơkâ pêi, rak tơniăn tíu mơ’no liăn cheăng tê mơdró, mơhnhôk ƀă xúa châ tơƀrê rêm kơxô̆ liăn, hbrâ roh tơ’lêi vâ rak tơniăn, mơnhông mơdêk cheăng kâ – rêh ối pơlê pơla rĕng ƀă krá tơniăn tâ.

Pôa Nguyễn Phú Trọng mơnhên tối, hơnăm 2022 Chin phuh hiăng mơ-eăm pêi châ tơƀrê hên ƀă rơkê tâ hơnăm 2021 tro môi tiah pói vâ dêi pôa Nguyễn Phú Trọng tung ƀai xông tơpui hnê mơhno a hneăng hôp hơnăm nah. Ki má môi cho tơdroăng cheăng kâ tơnêi têa pin xuân pơtối tơtêk rĕng, châ 8,02%, hên tâ tâng pơchông ƀă pơkâ mơ’no 6 – 6,5%, kơlo a’ngêi tâng pơchông ƀă mâu kong têa tung kơpong ƀă lâp plâi tơnêi.

Pôa Nguyễn Phú Trọng tối nhên tơ’nôm 5 tơdroăng vâ mơnhên troăng prôk vâ hneăng hôp rơtế tơpui tơno, tung mê Chin phuh kal tơtrŏng pro tơniăn, thăm pêi pro rơdêi tơdroăng cheăng kâ kân, mơdât tơdroăng liăn chu rơpâ yă, mơdêk ivá ai tung tơnêi têa nôkố ƀă tơdroăng ki pơkuâ dêi dêi tơdroăng cheăng kâ.