Kơxo hâi lơ 26/3, pôa Nguyễn Thanh Nghị, Ngế cheăng tung Khu xiam kal kí, Kăn pơkuâ hnê ngăn Tíu xiâm Đảng, Ngế pơkuâ ngăn pơkâ mâu tơdroăng cheăng Tíu Xiâm Đảng, Ngế pơkuâ khu kăn lăm séa ngăn, tăng ngăn kơxô̆ 26, pêi cheăng ƀă Tỉnh ủi Dak Lak, tơbleăng hlá mơ-éa chêh tăng ngăn hơnăm 2026 dêi Khu xiâm kal kí, Kăn hnê ngăn ƀă Khu pơkuâ hnê ngăn cheăng Tỉnh ủi. Tơdroăng rak tơkŭm a tơdroăng tơbleăng hriâm, hnê pêi tơdroăng pơkâ hneăng hôp má 14 dêi Đảng ƀă tơdroăng cheăng hbrâ tâ phĭu rah xo kăn hneăng hơnăm 2026-2031.

Tối mơgêi a hâi pêi cheăng, pôa Nguyễn Thanh Nghị khĕn kơdeăn ki mơ-eăm dêi kong pơlê tung tơkŭm hriâm tiô pơkâ ki kân, kơxô̆ mơngế veăng hên; hbrâ tăng ngăn mơngế pêi cheăng, hbrâ nhên mâu tơdroăng tâ phĭu ƀă mơdêk hnê tối a kơpong kuăn ngo. Pakĭng mê, pâ thế Dak Lak pơtối séa ngăn mâu ngế ki hâi hriâm tơdroăng pơkâ, mơdêk tơƀrê tung hnê ngăn, pê klêi tơdroăng pêi  tro tiô pơkâ thế pêi dêi tơdroăng Pơkâ.