Ƀă ki hên kơxô̆ phĭu vâ hên, Hô̆i đong hnê ngăn kuăn pơlê dêi pơlê kong kân hiăng rah xo pôa Nguyễn Văn Được pơtối to pro Kăn hnê ngăn Vi ƀan Pơlê kong kân Hồ Chí Minh hneăng hơnăm 2026 – 2031. Pôa Nguyễn Văn Được nôkố cho Kăn cheăng tung Tíu xiâm Đảng, Phŏ Kăn hnê ngăn cheăng Đảng pơlê kong kân, Kăn hnê ngăn Vi ƀan pơlê kong kân Hồ Chí Minh hneăng hơnăm 2021 – 2026.

Hdrối mê, pôa Được nah pôu râng hnoăng cheăng kăn pơkuâ a Long An môi tiah Phŏ Kăn hnê ngăn Vi ƀan kong pơlê, Phŏ Kăn pơkuâ hnê mơhno cheăng Đảng kong pơlê, Kăn pơkuâ hnê ngăn cheăng Đảng kong pơlê. Tơdroăng ki pơtối to pro kăn mơhno tơdroăng ki loi tơngah dêi kăn teăng mâ Hô̆i đong kuăn pơlê ƀă ivá pơkuâ, túa ki rơkê tơtro dêi pôa Nguyễn Văn Được tung pơla Pơlê kong kân Hồ Chí Minh châ pơkâ mơnhông mơdêk rĕng ƀă krá tơniăn tung hneăng nếo.