VOV4.Xơ Đăng - Kơxo lơ 3/8, pôa Nguyễn Xuân Phúc, Kăn xiâm hnê ngăn tơnêi têa, Ngế pơkuâ hnê mơhno “ ‘mâi hơ’lêh Luât xiâm tơnêi têa troh lăm pôu ƀă séa ngăn tơdroăng cheăng mơ’no mâu kroăng phâk hơnăm 2022 a Hngêi phâk Xuân Lộc (Cục C10, Khu xiâm kŏng An), tơring Xuân Lộc, kong pơlê Đồng Nai. A rôh pêi cheăng, pôa Nguyễn Xuân Phúc pơkâ thế tung 1 khế la ngiâ, mâu hngêi phâk, hngêi kroăng phâk pơtân ƀă mâu hngêi trung hnê mâu ki kroăng phâk ai tŭm ivá ƀă ôh tá ăm châ ai mâu ngế ki ôh tá tŭm ivá, tiô pơkâ séa ngăn vâ mơ’no roh kố.

Pôa Nguyễn Xuân Phúc, Kăn xiâm hnê ngăn lăm pôu ƀă séa ngăn tơdroăng cheăng ‘na mơ’no mâu ngế kroăng phak hơnăm 2022 a Đồng Nai

Kăn xiâm hnê ngăn tơnêi têa xuân pơkâ thế Hô̆i đong Hnê tối ‘na tơdroăng mơ’no mâu kroăng phak pêi pro tro kơtăng luât pơkâ ‘na mơ’no, ƀă tơdroăng pơkâ thế ôh tá chiâng phêp lôi ai tơdroăng xôi klâi, tâng ai tâng tối ti lâi ‘lo thế séa ngăn nhên vâ pôi tá tơdjâk troh tơdroăng ki pơxúa ki lĕm ƀă troăng rơhlâ ki kân mê dêi Đảng, Tơnêi têa. Mâu kong pơlê thế hbrâ tŭm tơdroăng vâ mâu ngế ki mâu ngế ki pêi pro tro luât phak châ mơ’no phak, châ vêh rêh ối tơniăn ƀă kuăn pơlê.

Gương tơplôu ƀă tơbleăng