VOV4.Xơ Đăng - Kơxo lơ 18/10, a tíu pêi cheăng dêi Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa tơdah pôa Park Jin, Ngế xiâm tơpui kâ kâ Hàn Quốc lăm pôu  Việt Nam, drêng troh leh tơbâ 30 hơnăm mơjiâng tơrŭm cheăng pơla péa tơnêi têa. Pôa Nguyễn Xuân Phúc, hâk mơnê Ngế xiâm lăm pôu Việt Nam, tơnêi têa Đông Á ki apoăng, klêi xo hnoăng pro kăn, pakĭng mê tối Đảng, Tơnêi têa ƀă kuăn pơlê Việt Nam đi đo púi vâ djâ tơdroăng tơrŭm cheăng pơla Việt Nam cho tíu ki troh tơniăn, ƀă pro tíu ki tơ’lêi hlâu ăm mâu khu mơdró kâ Hàn Quốc hmiân tuăn ‘no liăn cheăng ton hơnăm.

Tâ tá hneăng hôp

Péa pâ xuân rơtế mơ-eăm pêi châ tiô pơkâ tê mơdró châ 100 rơtal dollars a hơnăm kơ’nâi ƀă 150 rơtal dollars a hơnăm 2030 tiô troăng hnê mơhno tơdâng tơ’mô. Tung mê, Hàn Quốc tâk rôe tơmeăm Việt Nam. Pôa Park Jin, Ngế xiâm tơpui kâ tối mâu tơdroăng ki hía, khéa kho ƀă kuăn pơlê Việt Nam nếo klêi tro tơdjâk xua khía mơhot kân plong mot, hlối tối Hàn Quốc đi đo ngăn Việt Nam cho tơnêi têa tơrŭm cheăng ‘na kơjo kum mơnhông mơdêk ODA.

3.Ƀơ rô Chin phuh nếo pơkâ Tơbleăng mơgêi tơdroăng pôa Lê Văn Thành Ngế pro xiâm phŏ hnê ngăn Chin phuh tối a rôh hôp ‘na tơdroăng rak ngăn ƀă pơkâ tê têa châu têa kơxăng ăm tung tơnêi têa. Tung pơla hdrối kô nah ai mâu khu mơdró tê ngrế têa châu klĭg péa pơtê pơtân tê tơkŭm a mâu kong pơlê, pơle ekong kân peăng hdroh tơnêi têa môi tiah: pơlê kong kân Hồ Chí Minh, Cần Thơ, An Giang, Bình Phước, Dak Lal... Tiô tối tơbleăng dêi Khu xiâm ngăn tê mơdró, lâp tơnêi têa ai dâng lối 200 tíu tê têa kơxăng pơtê tê, hiăng pro tơdjâk kân troh tuăn tơmiêt ƀă tơdroăng rêh ối cheăng kâ dêi kuăn pơlê. Hlo tơdroăng mê, Ngế pro xiâm phŏ hnê ngăn tơnêi têa  pơkâ thế Khu xiâm ngăn tê mơdró   ƀă hnoăng cheăng cho kơ koan ki châ Chin phuh pơcháu hnoăng pơkuâ rak ngăn tơnêi têa ƀă tơmeăm ‘na têa kơxăng thế séa ngăn vâ ‘nâi nhên tơdroăng tê mơdró, thâ tơbleăng mâu tơdroăng pêi pro séa ngăn, tí tăng ngăn, teăm mơdât, pơxâu kơtăng tro tiô pơkâ ƀă mâu khu ki xiâm lơ rak ‘măn tơmeăm, tê liu têa kơxăng têa châu ƀă mâu ki pro xôi luât ki ê tung tê mơdró têa kơxăng.

VOV/Tơplôu: Gương