Tung rôh lăm pôu Khu râ Tơnêi têa a Hàn Quốc, kơxo lơ 5/12, a pơlê kong xiâm Seoul, pôa Nguyễn Xuân Phúc, Kăn xiâm hnê ngăn tơnêi têa hiăng mơdoh chôu tơdah mâu Grup pơkuâ xiâm dêi Hàn Quốc dế tơbleăng hên tơdroăng tơkêa túa ki kân a Việt Nam. Kăn xiâm hnê ngăn tơnêi têa hlối cho kăn xiâm pơkuâ Grup pơkuâ JC cho pôa Kyung Shik Sohn, mê, pôa Nguyễn Xuân Phúc, Kăn xiâm hnê ngăn tơnêi têa mơnhên tối Grup pơkuâ hiăng pêi pro lĕm tro mâu tơdroăng tơhrâ ‘no liăn cheăng a Việt Nam a mâu kơvâ cheăng mơjiâng bro kế tơmeăm, kế kâ, sinh hok, logistic ƀă mơhno túa lĕm tro.

Kăn xiâm hnê ngăn tơnêi têa pơkâ thế CJ pơtối po rơdâ ‘no liăn cheăng a Việt Nam, ăm Việt Nam chiâng tíu ki mơjiâng ƀă tê mơdró tung lâp plâi tơnêi. Kăn xiâm hnê ngăn Grup Daewoo E&C Hàn Quốc Jung Won-ju, pôa Nguyễn Xuân Phúc, kăn xiâm hnê ngăn tơnêi têa pin pâ thế  Daewoo E&C mơ’no liăn cheăng bro hngêi trăng, troăng klông, têa châu têa kơxăng, kơphô̆ rơkê, kum ăm tơdroăng ki ‘no liăn cheăng dêi Hàn Quốc a Việt Nam.