VOV4.Xơ Đăng -  Drêng troh leh tơbâ 53 hơnăm Hâi pôa Hồ Chí Minh kăn xiâm hnê ngăn tơnêi têa hneăng hdrối hlâ ƀă 53 hơnăm pêi pro tiô tơbâ ki tĭng dêi  Pôa, kơxo lơ 14/8, pôa Nguyễn Xuân Phúc,  Kăn xiâm hnê ngăn  tơnêi têa pơkuâ chôu Nháng tơbâ pôa Hồ Chí Minh, Kăn xiâm hnê ngăn tơnêi têa ki apoăng.

Pôa Nguyễn Xuân Phúc, Kăn xiâm hnê ngăn tơnêi têa  chôu nháng tơbâ kơ pôa Hồ Chí Minh kăn xiâm hnê ngăn tơnêi têa hneăng apoăng

A tíu xôi tơbâ pôa Hồ Chí Minh, Kăn xiâm hnê ngăn tơnêi têa ki apoăng a Đỉnh Vua, Ngo Ba Vì (Hà Nội), Ngo xiâm ki tĭng dêi mơngế Xuăn, pôa Nguyễn Xuân Phúc, Kăn xiâm hnê ngăn tơnêi têa, pôa Nguyễn Sinh Hùng, Kăn xiâm hnê ngăn tơnêi têa hneăng hdrối nah rơtế ƀă mâu kăn xiâm dêi Đảng, tơnêi têa rơtế ƀă mâu kăn xiâm,  Vi ƀan Măt trâ̆n tơnêi têa Việt Nam; mâu khu xiâm, kơvâ cheăng, kong pơlê  ƀă teăng mâ mâu nhŏng o hdroâng hdrê Nguyễn Sinh  rơtế ƀă mâu kăn, hdrông hdrê Hoàng Xuân ối a Kim Liên, Nam Đàn (Nghệ An) hiăng teăng mâ mâu pú, mâu kuăn pơlê tung lâp tơnêi têa châ nhoăm  pleăng reăng, chôu nháng tơbâ pôa Hồ Chí Minh, Kăn xiâm hnê ngăn tơnêi têa ki apoăng pro tiô khôi túa hmâ ton nah dêi hdroâng mơngế. Leh tơbâ 53 hơnăm Hâi pôa hlâ ƀă 53 hơnăm pêi pro tiô tơdroăng dêi Pôa chêh  hdrối vâ tơklâ, xuân cho rôh vâ tâi tâng Đảng, tâi tâng kuăn pơlê ƀă tâi tâng mâu lêng chôu pâ troh hnoăng kân kĭn dêi Pôa ƀă hdroâng mơngế Việt Nam.

Gương tơplôu ƀă tơbleăng