VOV4.Xơ Đăng -  Kơxo lơ 4/8, Khu xiâm kŏng an tơkŭm po Leh tơdah xo inâi Khu lêng khên tơnôu dêi kuăn pơlê tung rơxông pơ’lêh nếo ăm môi tíu pêi cheăng dêi Khu lêng tí tăng ‘nâi plĕng tơdroăng dêi Kŏng ăn kuăn pơlê. Pôa Nguyễn Xuân Phúc, Kăn xiâm hnê ngăn tơnêi têa veăng hôp ƀă diâp inâi mâu lêng khên tơnôu dêi kuăn pơlê.

Pôa Nguyễn Xuân Phúc - Kăn xiâm hnê ngăn tơnêi têa diâp inâi Khên tơnôu ăm môi tíu pêi cheăng chêh hlá tơbeăng Kŏng an nhân dân

Tơbleăng a hâi leh, pôa Nguyễn Xuân Phúc tối nhên, tơdroăng tơdah inâi mâu lêng khên tơnôu rôh kố cho tơdroăng hâk tơngăm kân kĭn dêi tâi tâng mâu lêng Kŏng an kuăn pơlê tối tơchoâm ƀă mâu khu cheăng tơmâng tŏng tơdroăng dêi Kŏng an kuăn pơlê tối krế; mơhno tơmâng xo tơdroăng tơxâng dêi Đảng, Tơnêi têa ƀă tâi tâng tung mâu tơdroăng mơ-eăm  pleăng hnoăng ôh tá ‘nâi tơ-brê, dêi mâu lêng Tơmâng tŏng dêi kŏng an kuăn pơlê.

Kăn xiâm hnê ngăn tơnêi têa loi khât tơdroăng khu Lêng tơmâng tŏng dêi Kŏng an kuăn pơlê kô rế kân rơdêi, cho khu lêng ki kal, khât loi nhoăm, tơxâng ƀă tuăn loi, pâ mơjo dêi Đảng, Tơnêi têa  ƀă kuăn pơlê, cho tuăn “tuăn, mâ’’ dêi Đảng môi tiah pôa Hồ Chí Minh - Kăn xiâm hnê ngăn tơnêi têa ki apoăng hiăng hnê. 

Gương tơplôu ƀă tơbleăng