VOV4.Xơ Đăng - Jâ Lê Thị Thu Hằng, ngế tơpui kâ Khu xiâm tơpui kâ tung roh hôp kơxê lơ 22/9 tối tơbleăng, pôa Nguyễn Xuân Phúc, Kăn xiâm hnê ngăn tơnêi têa kô teăng mâ khu râ kăn pơkuâ Đảng, Tơnêi têa Việt Nam veăng leh ‘mé râ tơnêi têa kơ pôa Shinzo Abe, Ngế pro xiâm hnê ngăn kong têa Nhuk hneăng hdrối sap hâi lơ 25 – 28/9.

Tơdroăng pôa Nguyễn Xuân Phúc teăng mâ khu râ kăn pơkuâ Đảng, Tơnêi têa Việt Nam veăng leh ‘mé râ tơnêi têa pôa  Shinzo Abe, Ngế pro xiâm hnê ngăn kong têa Nhuk hneăng hdrối vâ mơhno tơdroăng tuăn pâ, tơdroăng mơnhên dêi khu râ kăn pơkuâ, kuăn pơlê Việt Nam ƀă mâu tơdroăng tuăn pâ ƀă tơdroăng veăng kum dêi pôa Shinzo Abe  tung thăm tơrŭm cheăng pơla péa tơnêi, mơnhên tơdroăng ki nhuô̆m tơrŭm cheăng ton xŏn trâu hơngế Việt Nam – Nhuk.

Tung pơla ối pêi cheăng, pôa Shinzo Abe hiăng 4 xôh lăm pôu pêi cheăng Việt Nam, ăm hên tơdroăng tuăn pâ ƀă veăng kum kal khât tung thăm tơrŭm cheăng pơla péa tơnêi têa mơnhông mơdêk, tŭm têk tung mâu kơvâ cheăng.

A Sa Ly tơplôu ƀă tơbleăng