VOV4.Xơ Đăng - Pôa Nguyễn Xuân Phúc, Kăn xiâm hnê ngăn tơnêi têa nếo ai rôh tơpui tơno ƀă Khu kăn Đảng ủy kong pơlê Hưng Yên. tơbleăng hnê mơhno a rôh pêi cheăng, pôa Nguyễn Xuân Phúc, Kăn xiâm hnê ngăn tơnêi têa tối mâu tơdroăng pá puât ‘na tơmeăm khoăng ki rơdêi dêi Hưng Yên, mê cho tíu xiâm tơbăng kroăng Hồng, tơnêi hơpok lĕm; tơnêi kơpong pơlê xiâm, troăng prôk tơnêi hlâu tơ’lêi vâ mơnhông cheăng kâ, mơdêk kơchơ tê mơdró tơmeăm.

Pôa Nguyễn Xuân Phúc, Kăn xiâm hnê ngăn tơnêi têa tơbleăng a rôh hôp pêi cheăng

Tung pơkâ mơnhông la ngiâ, Kăn xiâm hnê ngăn tơnêi têa vâ môi tuăn mơjiâng ƀă Đảng ƀô̆ kong pơlê ‘na tơdroăng tiô pơkâ rah xo tơƀrê troăng rơhlâ cho mơjiâng ƀă rak ngăn mơnhông mơdêk tiô pơkâ kong pơlê; mơnhông cheăng kâ rêh ối ki kal tung mơjiâng cho troăng prôk; mơjiâng khu kăn ƀô̆ ki rơkê, ƀă mâu ngế vâ pêi cheăng kơhnâ rơkê. Tối nhên, cheăng kâ mơnhông tơƀrê; Tối nhên, cheăng kâ mơnhông tơƀrê, xo liăn ngân tơnêi têa châ tơbrê, krê hơnăm kố, tiô tối hdrối châ 51 rơpâu rơtal liăn cho kal khât.

Vâ pêi tơƀrê mâu tơdroăng cheăng pơkâ, pôa Nguyễn Xuân Phúc pơkâ thế Đảng ƀô̆ kong pơlê Hưng Yên ƀă khu cheăng kal kí ‘nâi mơ-eăm hên tâ nếo vâ tơrêm chi ƀô̆, tơrêm kuăn pơlê veăng tơbleăng.

VOV /Tơplôu: Gương