VOV4.Xơ Đăng - Drêng troh leh tơbâ 77 hơnăm Hâi mơjiâng khu lêng kŏng an lơ 19/8, pôa Nguyễn Xuân Phúc, Kăn xiâm hnê ngăn tơnêi têa, pơkuâ mâu lêng tơplâ dêi kuăn pơlê, Kăn xiâm hnê ngăn Hô̆i đong Lêng ƀă kring vế tơniăn lăm pôu, pêi cheăng ƀă Khu xiâm ngăn ‘na kring tơniăn cheăng kâ dêi (Khu xiâm kŏng an). Teăng mâ Kăn xiâm Đảng, Tơnêi têa, pôa Nguyễn Xuân Phúc, Kăn xiâm hnê ngăn tơnêi têa pơtroh rơkong ăm tâi tâng mâu rơxông mâu kăn, mâu kăn pơkuâ, kăn ƀô̆, mâu lêng Kŏng an tối tơchoâm, mâu lêng kring tơniăn cheăng kâ tối krê mâu tơdroăng ki hmâ ƀă rơkong rơkâu ki lĕm má môi drêng troh leh tơbâ 77 hơnăm Hâi mơjiâng khu lêng Kŏng an.

Pôa Nguyễn Xuân Phúc, Kăn xiâm hnê ngăn tơnêi têa pêi cheăng ƀă khu xiâm kŏng an cheăng kâ (dêi Khu xiâm kŏng an)

Kăn xiâm hnê ngăn tơnêi têa khĕn kơdeăn mâu lêng kŏng an cheăng kâ hiăng teăm châ ‘nâi, ƀă tơleăng mơnhên tơ-brê mâu tơdroăng ki pá nếo ‘nâi tung tơdroăng tơrŭm cheăng kâ lâp plâi tơnêi, kring tơniăn, pro xiâm pơkuâ, veăng ‘no hnoăng tah mâu tơdroăng ki mơnhâu pro ôh tá tơniăn tơnêi têa, kring vế troăng rơhlâ, luât pơkâ mơnhông cheăng kâ tung hên tơdroăng cheăng ki kal.

Gương tơplôu ƀă tơbleăng