VOV4.Xơ Đăng - Hâi lơ 4/8, a tíu pêi cheăng Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa tơdah pôa Yamamoto Ichita, Kăn xiâm pơkuâ kong pơlê Gunma, kong têa Nhuk troh lăm pôu ƀă pêi cheăng a Việt Nam. Pôa Nguyễn Xuân Phúc phiu ro tối ăm ‘nâi, pôa Yamamoto Ichita cho Kăn pơkuâ kong pơlê apoăng dêi Nhuk lăm pôu pêi cheăng a Việt Nam klêi kơ’nâi pơreăng COVID-19, vêh po mâu tơdroăng trâm mâ tơrŭm pơla mâu kong pơlê péa tơnêi têa ƀă tơmiât troh leh tơbâ 50 hơnăm tơrŭm cheăng tơpui kâ Việt Nam – Nhuk a hơnăm 2023.

Pôa Nguyễn Xuân Phúc, Kăn xiâm hnê ngăn tơnêi têa tơdah Kăn pơkuâ kong pơlê Gunma, kong têa Nhuk

Kăn xiâm hnê ngăn tơnêi têa tối nhên, nôkố Nhuk pơtối cho khu tơrŭm cheăng kâ má môi dêi Việt Nam, cho kong têa ăm liăn tŏng kum ODA ki má môi, khu mơ’no liăn cheăng kân ki kal má pái ƀă khu tơrŭm cheăng tê mơdró má pŭn dêi Việt Nam. Kăn xiâm hnê ngăn tơnêi têa kheăn kơdeăn tơdroăng mơ-eăm dêi pôa Yamamoto Ichita tung tơdroăng thăm tơrŭm cheăng ƀă Việt Nam tung pơla kố nah; ki má lối cho tơdroăng tơrŭm tơkŭm po Têt Việt Nam ƀă tŏng kum pơlê pơla mơngế Việt Nam a kong pơlê tơkâ hluâ pá puât xua pơreăng COVID-19.

A Sa Ly tơplôu ƀă tơbleăng