A rôh tơdah kăn teăng mâ El Salvador, Kăn xiâm hnê ngăn tơnêi têa tối Việt Nam ngăn nhoăm ƀă púi vâ pơtối mơdêk tơrŭm cheăng ƀă mâu kơpong kong têa Mih Latinh tối tơdjuôm, ƀă Kŏng hoa El Salvador tối krê. Việt Nam đi đo chôu pâ tơdroăng tơrŭm môi tuăn, tơdroăng veăng kum dêi kuăn pơlê kơpong châu Mih Latinh, tung mê ai kuăn pơlê El Salvador, tung tơdroăng tơplâ bro tơleăng lĕm hdroâng mơngế hdrối nah ƀă mơjiâng tơnêi têa nôkố.

Kăn xiâm hnê ngăn tơnêi têa pin ƀă Kăn teăng mâ Ấn Độ rơtế ƀă mâu kăn veăng hôp pơtối

Rơkâu kơ pôa Sandeep Arya châ pôk pro Kăn teăng mâ Ấn Độ A Việt Nam, pôa Nguyễn Xuân Phúc, Kăn xiâm hnê ngăn tơnêi têa tối luât pơkâ tŏng kum dêi Việt Nam đi đo nhoăm tơdroăng tơrŭm krá ƀă kong têa Ấn Độ, môi kong têa ki rơdêi dế mơnhông rơdêi, ai hnoăng cheăng kân a kơpong ƀă tung lâp plâi tơnêi. Rơkâu jâ Oh Youngju châ rah xo pro Kăn teăng mâ ki kơdrâi apoăng dêi Hàn Quốc a Việt Nam, pôa Nguyễn Xuân Phúc, Kăn xiâm hnê ngăn tơnêi têa loi khât ƀă hnoăng cheăng rơkê dêi jâ teăng mâ, tơdroăng tơrŭm cheăng pơla péa tơnêi têa kô rế mơdêk tâ nếo ƀă pêi hlối tơ ƀrê.