VOV4.Xơ Đăng - Kơxê lơ 17/8, a tíu pêi cheăng dêi Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa tơdah pôa Ehud Barak, Ngế pro xiâm hnê ngăn kong têa Israel dế lăm pôu Việt Nam. Pôa Nguyễn Xuân Phúc hâk mơnê kơ pôa Ehud Barak ƀă kơdrâi pôa lăm pôu Việt Nam ƀă ăm ‘nâi, Việt Nam púi vâ tơrŭm cheăng ƀă Israel tung mâu kơvâ cheăng dêi kong têa kố ki rơdêi môi tiah pơ’lêh nếo hriĕn plĕng tơdroăng ki nếo, khoa hok kŏng ngê̆, on tơhrik kơtâu ƀă mâ hâi.

Tung la ngiâ, kăn xiâm hnê ngăn tơnêi têa pơkâ thế péa pâ đi đo pơtối rak vế mâu tơdroăng trâm mâ tơrá mâu kăn, môi tuăn kum dêi rơpó a mâu rôh po hneăng hôp, tơkŭm po lâp plâi tơnêi. Kăn xiâm hnê ngăn tơnêi têa púi vâ, ƀă hnoăng pêi pro ƀă tơdjâk dêi tơná, Ngế pro xiam hnê ngăn kong têa Israel pơtối veăng ‘no mơdêk tâ nếo tơrŭm cheăng tơniăn lĕm pơla péa tơnêi têa, malối tung tơdroăng tối ăm dêi rơpó ‘nâi mơjiâng luât pơkâ tŏng kum pơxiâm pêi cheăng mơnhông mơdêk khoa hok kơmăi kơmok, pơ’lêh nếo, hnê ăm mâu ki rơkê hơnăm ối nếo.

Gương tơplôu ƀă tơbleăng