Kơmăng hâi lơ 5/12/2022 tung rôh lăm pôu râ tơnêi têa troh Hàn Quốc, pôa Nguyễn Xuân Phúc, Kăn xiâm hnê ngăn tơnêi têa hiăng tơpui tơno ƀă Ngế pro xiâm hnê ngăn kong têa Hàn Quốc, pôa Han Duck Soo a Seoul, Hàn Quốc. A rôh tơpui tơno, Péa ngế kăn xiâm pơkuâ hiăng rơtế ƀă dêi rơpó tơpui tơno mâu túa tơrŭm cheăng tiô tơdroăng ki tơrŭm cheăng kong têa tung la ngiâ tâi tâng mâu tơdroăng a la ngiâ dêi rêm kơvâ cheăng, khŏm mơ-eăm pro trâu hơngế tơrŭm cheăng Việt Nam – Hàn Quốc, tơxâng ƀă ivá nếo, xua tơdroăng ki pơxúa dêi kuăn pơlê péa tơnêi têa, veăng kum tơrŭm cheăng ƀă mơnhông dêi kơpong.

Pôa Nguyễn Xuân Phúc, Kăn xiâm hnê ngăn tơnêi têa tối nhên ƀă tơdroăng ki péa pâ mơdêk tơrŭm cheăng péa tơnêi têa tâk troh a kong têa tơrŭm cheăng tung la ngiâ tơrŭm tung tâi tâng, mâu kơvâ cheăng tơrŭm pơla péa pâ kô rế hía rế trâu hơngế, ai pơxúa ƀă hên hĭn mâu tơdroăng tơrŭm tung la ngiâ.