VOV4.Xơ Đăng -  Kơxo lơ 30/8, a Hà Nội, pôa Nguyễn Xuân Phúc, Kăn xiâm hnê ngăn tơnêi têa veăng Hneăng hôp roh má XI Khu lo tŏng veăng Việt Nam. A Hneăng hôp, Khu lo tŏng veăng Việt Nam hiăng môi tuăn nhuô̆m pôa Nguyễn Xuân Phúc, Kăn xiâm hnê ngăn tơnêi têa cho Kăn xiâm hnê ngăn kơnía dêi Khu lo tŏng veăng Việt Nam.

Xông tơpui a Hneăng hôp, pôa Nguyễn Xuân Phúc, Kăn xiâm hnê ngăn tơnêi têa kheăn kơdeăn, mơnhên Khu lo tŏng veăng Việt Nam hiăng mơnhông mơdêk hnoăng ki xiâm tung tơdroăng tŏng kum, tơdjêp rơpâu hiâm mơno veăng kum, pêi tơdroăng tŏng kum vâ troh lâp lu, tơ’nôm hên tơdroăng pêi tuăn pâ.

Pôa Nguyễn Xuân Phúc, Kăn xiâm hnê ngăn tơnêi têa xup um rơtế Khu pơkuâ Khu lo tŏng veăng Việt Nam hneăng hơnăm 2022 – 2027

Tối mâu tơdroăng pơloăng mơnúa ƀă tơnêi têa pin tung la ngiâ, pôa Nguyễn Xuân Phúc tối, tơdroăng mê kal tơdroăng tơdjuôm ivá, kum dêi pó dêi lâp pơlê pơla, tơdrêng amê kal tơdroăng pơ’lêh nếo tơdroăng xiâm, troăng pêi cheăng dêi Khu lo tŏng veăng Việt Nam.

A Sa Ly tơplôu ƀă tơbleăng