VOV4.Xơ Đăng - Tung pơla ối a kong têa Nhuk veăng Leh mơdâm kiâ pôa Shinzo Abe, Ngế pro xiâm hnê ngăn kong têa Nhuk hneăng hdrối, pôa Nguyễn Xuân Phúc, Kăn xiâm hnê ngăn tơnêi têa tơpui ƀă pôa FumioKishida, Ngế pro xiâm hnê ngăn kong têa Nhuk.Tung chôu phut tơkŭm hôp, hmâ ƀă loi nhoăm dêi rơpó, péa ngế Kăn xiâm hiăng tối môi tuăn dêi rơpó tung mơnhông rơdêi, tâi tâng tŭm tơdroăng, ki khât dêi tơdroăng tơrŭm cheăng pơla Việt Nam-Nhuk, pakĭng mê, môi tuăn ‘na troăng rơhlâ ki kân vâ mơnhông tơrŭm cheăng trâm rơdâ pơla Việt Nam- Nhuk vâ pêi tơdroăng troh leh tơbâ 50 hơnăm hâi mơjiâng tơpui kâ pơla Việt Nam - Nhuk  troh hơnăm 2023.

Pôa Nguyễn Xuân Phúc, Kăn xiâm hnê ngăn tơnêi têa tơpui ƀă Ngế pro xiâm hnê ngăn kong têa Nhuk

Péa ngế kăn xiâm vâ môi tuăn pơtối mơdêk loi nhoăm dêi rơpó tơdroăng kal kí ing tơdroăng đi đo lăm pôu, trâm mâ tơrá mâu kăn; mơnhông tơrŭm cheăng tơpui kâ, kring vế tơniăn, ‘na cheăng lêng, cheăng kâ tơ ƀrê, mơdêk trâm tơpui ƀă kuăn pơlê, mơdêk mơhno túa lĕm tro, ôm hyô.

VOV/Tơplôu:Gương