VOV4.Xơ Đăng - Pơtối pêi mâu tơdroăng cheăng a pơlê kong xiâm Tokyo, hâi lơ 26/9, pôa Nguyễn Xuân Phúc, Kăn xiâm hnê ngăn tơnêi têa hiăng tơpui tơno ƀă pôa Otsuji Hidehisa, Kăn xiâm hnê ngăn Kuô̆k hô̆i Nhuk tối tơdroăng ki khíu ăm  Kăn xiâm Đảng, Tơnêi têa, Kuô̆k hô̆i ƀă kuăn pơlê Việt Nam troh a Tíu pêi cheăng xiâm Kuô̆k hô̆i xuân môi tiah kuăn pơlê Nhuk ‘na tơdroăng kơdrâ hlâ dêi pôa Abe Shinzo; Ngế pro xiâm hnê ngăn kong têa Nhuk hneăng hdrối, khĕn kơdeăn tơdroăng tơrŭm pơla péa Kuô̆k hô̆i dế ai mâu tơdroăng pêi pro tơ-brê tung mâu hơnăm achê kố.

Pôa Nguyễn Xuân Phúc, Kăn xiâm hnê ngăn tơnêi têa tơpui ƀă Kăn xiâm hnê ngăn Kuô̆k hô̆i Nhuk

Pôa Nguyễn Xuân Phúc, Kăn xiâm hnê ngăn tơnêi têa tối, tung hơnăm hdrối, tơdroăng tơrŭm cheăng pơla péa pâ trâu rơdâ, trâm tơpui tơno, tơrŭm cheăng pơla péa Kuô̆k hô̆i dêi péa tơnêi têa rế krá kâk, tơƀrê. Ing mê, Kăn xiâm hnê  ngăn tơnêi têa púi vâ péa tơnêi têa mơdêk tâ nếo tơrŭm cheăng mâu tơdroăng, malối drêng troh leh tơbâ 50 hơnăm tơrŭm cheăng tơpui kâ a hơnăm 2023.

VOV.VN

Gương tơplôu ƀă tơbleăng