a

VOV4.Xơ Đăng - Hâi lơ 28/9, pôa Nguyễn Xuân Phúc, Kăn xiâm hnê ngăn tơnêi têa hiăng trâm mâ tơpui tơno ƀă pơtáu kong têa Nhuk cho pôa Naruhito klăng roh Leh ‘mé râ tơnêi têa kơ pôa Shinzo Abe, Ngế pro xiâm hnê ngăn kong têa Nhuk hneăng hdrối nah, ngế pú hmâ dêi tơnêi têa ƀă kuăn pơlê Việt Nam a Tokyo, Nhuk.

Pôa Nguyễn Xuân Phúc, Kăn xiâm hnê ngăn trâm mâ Pơtáu kong têa Nhuk

A roh trâm mâ, tơpui tơno, pôa Nguyễn Xuân Phúc tối hơlêm trâu hơngế tơdroăng lêk lôi ôh tá ‘nâi tối hdrối dêi pôa Shinzo Abe; mơnhên mâu tơdroăng tuăn pâ ki phá tơ-ê ƀă khŏm mơ-eăm, thăm mơnhông tơrŭm cheăng pơla Việt Nam – Nhuk rế hía rế tơtêk rơdêi. Ki má môi, cho tơdroăng mơdêk râ tơrŭm Khu tơrŭm cheăng ton xŏn trâu hơngế xua hơniâp lĕm ƀă kro mơdrŏng a Châu Á hơnăm 2014. Cho mâu tơmeăm ki kơnía kal châ péa tơnêi têa rak ƀă mơnhông mơdêk.

Pơtáu kong têa Nhuk tối tơdroăng thăm loi tơngah ƀă hlê plĕng dêi pó pơla kuăn pơlê péa tơnêi têa ing mâu tơdroăng trâm mâ, tơpui tơno,mơhno khôi túa, lĕm tro, trâm mâ pơla kuăn pơlê. Ki má lối, cho tung hơnăm leh tơbâ 50 hơnăm mơjiâng tơrŭm cheăng tơpui kâ Việt nam – Nhuk, ai kơnâ kal khât ƀă tơdroăng mơnhông tơrŭm péa tơnêi têa.

VOV/Tơplôu: A Sa Ly