Grup pơkuâ LEGO kô mơ’no liăn cheăng mơjiâng hngêi kơmăi ƀăng tơnêi  44ha a kơpong hngêi kơmăi kơmok VISP III, ƀă tâi tâng kơxô̆ liăn mơ’no 1,3 rơtal dollars Mih. Kố cho hngêi kơmăi má 6 tung lâp plâi tơnêi ƀă má 2 a Châu Á dêi Grup LEGO. A Việt Nam cho tơdroăng tơkêa bro mơ’no liăn cheăng kân má môi sap ing khu mơ’no liăn cheăng Đan Mạch. Tiô tối hdrối, hngêi kơmăi dêi Grup pơkuâ LECO kô pêi cheăng tung hơnăm 2024 ƀă kô tăng cheăng pêi ăm dâng 4.000 ngế pêi cheăng. Kố xuân cho hngêi kơmăi apoăng tung kơpong hngêi kơmăi kơmok VISIP III a Bình Dương.

Chiâ tơnêi apoăng vâ mơjiâng hngêi kơmăi dêi Grup pơkuâ LEGO

Teăng mâ Grup pơkuâ LEGO tối ăm ‘nâi, kố cho hngêi kơmăi ki apoăng dêi Grup pơkuâ LEGO châ mơjiâng pro tiô troăng krúa lĕm kong prâi, krá tơniăn ƀă lĕm ƀă kong prâi ƀă pơkâ ôh tá mơ’no hyôh Carbon.