Tơbleăng a rôh hôp, pôa Phạm Gia Túc, Phŏ ngế pro xiâm hnê ngăn tơnêi têa tối nhên, Hơnăm APEC 2027 châ kăn xiâm pơkuâ hnê ngăn Đảng, Tơnêi têa ƀă Chin phuh tối cho rôh tơ’lêi hlâu vâ tơbleăng troăng hơlâ tơpui kâ Hneăng hôp 14 dêi Đảng, vâ mơdêk ki rơdêi, ki nhoăm dêi tơnêi têa pin ƀă lâp plai tơnêi, pro xiâm ki nếo ăm mơnhông cheăng kâ - pơlê pơla, malối ƀă Phú Quốc, kong pơlê An Giang ƀă kơpong Tơbăng kroăng Cửu Long.

‘Na tơdroăng hbrâ mâu tơdroăng kal rôh hôp mâu kăn xiâm APEC 2027, Phŏ Ngế pro xiâm hnê ngăn tơnêi têa tối nhên kố cho hnoăng cheăng ki kal, hlối tối nhên, pơkâ má môi cho tơkŭm po ƀlêi trâng môi hơnăm APEC djâ mơhno ki hdró chôu pâ Việt Nam, veăng ‘no hnoăng ăm hơniâp lĕm, tơrŭm ƀă mơnhông a kơpong châu Á - Thái Bình Dương ƀă tung lâp plâi tơnêi.