VOV4.Xơ Đăng - Kơxo lơ 28/9, pôa Phạm Minh Chính, Ngế pro xiâm hnê ngăn Chin phuh hiăng pêi cheăng ƀă khu kăn Đảng kong pơlê Lào Cai. Tơbleăng a rôh pêi cheăng ƀă kăn hnê ngăn Đảng kong pơlê Lào Cai  Đặng Xuân Phong ăm ‘nâi, Lào Cai cho kong pơlê ki ối má môi tung 14 to kong pơlê Tơdế tơnêi têa ƀă kong ngo peăng Kơnhŏng. Ki tâk cheăng kâ, tâk đi đo, riân pơla hơnăm 1991- 2021 châ 10%/hơnăm. Tơbleăng a rôh pêi cheăng, pôa Phạm Minh Chính, Ngế pro xiâm hnê ngăn tơnêi têa tối nhên, Lào Cai tơ’lêi hlâu tung hên tơdroăng, la xuân ai mâu tơdroăng pá ki u ối, mê cho: tơdroăng pơkâ ‘na mơnhông cheăng kâ ối pêi kŭn; ki tơ-brê tung cheăng kâ hâi châ tơ-brê to lâi.  

Rơtâ tá hneăng hôp

Ngế pro xiâm hnê ngăn tơnêi têa pơkâ thế hbrâ mơ-eăm ƀă mơnhông mơdêk rĕng, rak tơniăn, kring gak tơniăn cheăng lêng, rak tơniăn tíu tơkăng kong hơniâp tơrŭm ƀă veăng mơnhông tơrŭm tiah hmâ pơla péa tơnêi têa, pơla péa hdroâng kuăn ngo Việt Nam ƀă Sinuâ; mơjiâng kơpong hdrâ krá ‘na kring tơniăn cheăng lêng, mơjiâng kơpong hbrâ tơniăn ‘na cheăng lêng, mơjiâng kơpong hriâm, tơ-brê tơbriât cheăng lâp plâi tơnêi trâu rơdâ ƀă tơ-brê pơxúa.

Gương tơplôu ƀă tơbleăng