Tung roh lăm pôu pêi cheăng roh kố, pôa Phạm Minh Chính, Ngế pro xiâm hnê ngăn Chin phuh hiăng ai tơdroăng pêi cheăng hên hĭn ƀă 19 tơdroăng cheăng pơla péa pâ, tá tơdroăng tơpui tơno ƀă pôa Lý Cường, Ngế pro xiâm hnê ngăn kong têa Sinuâ; rơtế pôa Lý Cường châ ngăn Leh ăm dêi pó công hàm mơjiâng Kơ koan teăng mâ Việt Nam a Trùng Khánh; hôp tơpui tơno ƀă Khu râ kăn pơkuâ kong pơlê Vân Nam, pơlê kong kân Trùng Khánh, Kơpong ki pơkuâ xêh hdroâng kuăn ngo Choang Quảng Tây...

A mâu roh hôp tơpui tơno, tơpui tơno dêi pôa Phạm Minh Chính, Ngế pro xiâm hnê ngăn tơnêi têa ƀă pôa Lý Cường, Ngế pro xiâm hnê ngăn kong têa Sinuâ ƀă Khu râ kăn pơkuâ kong pơlê Vân Nam, Trùng Khánh, Quảng Tây, péa pâ châ hên hlê plĕng tơdjuôm ki kal ‘na tơdroăng pơtối pêi pro, pêi inhên tơdroăng hlê plĕng tơdjuôm khu râ kăn xiâm, mơdêk tơrŭm cheăng Việt Nam ƀă Sinuâ, tung mê ai mâu kong pơlê Sinuâ mơnhông mơdêk rế hía rế châ tơƀrê, păng ‘nâng, krá tơniăn.