VOV4.Xơ Đăng - Kơxo lơ 16/8, pôa Phạm Minh Chính, Ngế pro xiâm hnê ngăn tơnêi têa ƀă khu kăn cheăng dêi Chin phuh hiăng troh lăm séa ngăn hlối pêi cheăng ƀă khu kăn dêi Chin phuh hiăng troh lăm ngăn hlối pêi cheăng ƀă Grup pơkuâ cheăng kơmăi kơmok - hyôh phôn lêng Viettel. Viettel cho khu mơdró kân kơxô̆ 1 dêi kơvâ cheăng ‘na hyôh phôn lêng Việt Nam ƀă cho Khu mơdró ki kân má 4 dêi tơnei têa, kơxô̆ liăn châ xo tro tiô pơkâ dêi Grup đi đo rak a kơlo 150 rơpâu rơtal liăn/hơnăm; ki rơkâ hdrối nâp hnoăng mơhá ối râ a kơlo vâ chê 40 rơpâu rơtal liăn/hơnăm.

Tâ tá hâi pêi cheăng

Teăng mâ Kăn xiâm hnê ngăn  Đảng, Tơnêi têa, Chin phuh, Ngế pro xiâm hnê ngăn tơnêi têa tơmâng xo ƀă hâk mơnê khĕn kơdeăn mâu hnoăng pêi tơ-brê, hnoăng ki mơ-eăm dêi mâu kăn ƀô̆, mâu kăn lêng, mâu lêng, mâu ngế pêi cheăng dêi Viettel hiăng mơ-eăm, pêi châ tơ-brê tung hơnăm hdrối. Vâ pê klêi hnoăng cheăng tung la ngiâ, Ngế pro xiâm hnê ngăn pơkâ thế Khu xiâm pơkuâ ngăn lêng hnê mơhno ăm Grup pơkuâ Viettel pêi tro mâu tơdroăng cheăng ki kal, tung mê tối nhên: Viettel thế chiâng um ki mơhno troăng dêi khu mơdró tơnêi têa pêi cheăng tơbrê tâ, cho grup cheăng ‘na kơmăi kơmok ki dâi lĕm, kâi vâ tơbriât cheăng tung tơnêi têa ƀă kong têa ê.

Gương tơplôu ƀă tơbleăng