Tiô mâu tơdroăng tối tơbleăng a rôh hôp, tơdroăng tơplâ a Trung Đông pơtối hlo rế ó, rơ-iô, pá vâ ‘nâi hdrối, tơdjâk troh xiâm rêi tê rôe ƀă yă têa châu tung lâp plâi tơnêi thăm tâk kơnâ, tung mê, ai Việt Nam. Tơdroăng cheăng tung la ngiâ, Ngế pro xiâm hnê ngăn Chin phuh pơkâ thế pôi tá ôh tá bê têa châu têa kơxăng, ôh tá pơtê pơla hrik chuâ, tê mơdró, pôi tá ăm châ ôh tá tơniăn pơlê pơla.

Ngế pro xiâm hnê ngăn Chin phuh tối pơchân mâu tơdroăng pêi chiâk, tê mơdró têa kơxăng thế vêh tơniăn lĕm, pôi tá ai ngế kơtôa ‘măn tơmeăm vâ pro yă kơnâ, pro chiâng ôh tá tơniăn ‘na kơchơ mơdró, mâu kơ koan tơdjâk troh thế tơmâng, mơdât mâu ki tê mơdró liu tơkâ luâ tíu tơkăng kong, khŏm pơxâu phâk mâu ngế ki lâi pro xôi.

‘Na ki ton hơnăm, Ngế pro xiâm hnê ngăn Chin phuh pơkâ thế Khu xiâm ngăn tê mơdró kal tơrŭm ƀă mâu khu xiâm, kơ koan tăng ‘nâi plĕng mâu troăng hơlâ vâ rĕng mơdêk ivá pơkuâ ngăn têa châu dêi tơnêi têa, môi tiah pơtối ai hên tíu tê ƀă mơdêk ki hbrâ rơnáu dêi. Tăng ‘nâi plĕng pơtối ‘mâi mơnhông mâu khu mơdró têa châu têa kơxăng; mơdêk ivá ‘măn kơdĭng têa châu dêi tơnêi têa, ai tŭm tiô mơngế vâ rôe tung ton hơnăm.